Bin widr dähei.....

und suäch än Job ;-)

Chumä bald hei....

Nacheme geniale Roadtrip über Ottawa, Montreal und Quebec City uf Nova Scotia, a d Ostküschte, bini ez sit zwei wuchä widr in Hamilton. Föteli und so giz wäni Hei chume....i zwei Täg flüg i Hei...;-)

Quer dur Kanada

Nachdem ich dä Lea au no Fernie zeigt han, hät sie leider wiedr zrug id Schwiz müssä. Ich han sie uf Calgary an Flughafe bracht und bin losgfahre richtig oschtä. Dur d Provinzä Alberta, Saskatchewan und Manitoba isch äs relativ seeehhhr flach gsi....alles Prärie und viel Farmland.

Gschlafä hani meischtens i mim supär Van. Ussärd Z Manitoba, det hani chönä bi dä Schwiegereltärä vo dä Mary (vo Fernie) übernachte.

Ich bin froh gsi woni Ontario erreicht han, und s widär chli meh Bäum und Seeä umägha hät. (ziemli grossi Seeä sogar...).

In Thunder Bay am Lake Superior bini no im Provincal Park uf äm "Sleeping giant" gsi, da isch ä Halbinslä wo vom Feschtland usgseht als würd än Gigant im Wasser ligä.

Isch voll schön gsi....

Uf äm Lake Huron hani zwei Täg uf Manitoulin, dä gröschtä Süässwasser Inslä vo dä Wält verbracht...au das isch hammer schön gsi, voll s vertroimtä Insäli mit schönä Sandstränd.

Vo Manitoulin hani d Fähre gno Feschtland zrug und bin uf Hamilton gfahre.

Da bini ez au scho widr sit zwei wuchä WEC Homebase und han ä supär ziit. Hilfä gärtnerä, malä, und alles parat machä für d Konforänz wo nächscht Wuchä afangt.

Natürlich bini au scho go sehenswürdigkeitä aluägä, letscht Wuchä bini d Niagara Fäll (Boaah) go aluägä u hüt bin z Toronto gsi.

Hi Folks

nachdem i mit em Jon no äs paar täg z Whistler gsi bin, und mir au det ä super Ziit gha händ und äs riiiiiisigs Skigebiät kä

nnaeglernt händ, händ sich oisi wäg wider trännt. Ich bin dän uf Kamloops gfahre und han mich det mit s Froese troffe. Zäme simmer in Norde ufä gfahre uf McBride, det hani än erläbnissrichä Monät uf ihrer Büffel Ranch verbracht.

Ritä, Schüssä, Kanuä, Traktörle, Häg flickä, Bäre beobachte, Töff fahre....usw. han mitghulfä woni hän chönä und i chan aso no schaffe (nöd nur no Boarde) ;-).

Am letschtä fritig bini dän mit äm Jordan ( äm einte Sohn) abgfahre richtig Vancouver, under wägs isch ois än Schwarz Bär uf dä Strass begägnet, isch voll edel er isch no öpä 2 meter vom Auto weg gsi.

Z Vancouver hani dä Jordan abgladä und bin an Flughafe gfahre go d Lea uflade, s isch dä hammer das Sie wider bi mir isch.....!!!!!!!

Zämme simmer mit dä Fähre uf Vancouver Island und uf Tofino a dä Westküste vo Vancouver Island. Voll herzigs Dörfli und coole Surf Strand.

Nach eim Tag simmer witer, in Nordä vo Vancouver Island, uf Port Hardy, wo mir geschter mit dä Nigelnagelnoie Fähre dur di Wunderschön Inside Passage gfahre sind.....äs isch eifach genial gsi. Mr händ sogar äs bizli Wal gseh....!!!

So, ez gaz langsam witer, zrug richtig McBride, wo mer nomol äs paar täg uf d Ranch gönd.

Än liäbe Gruäz

Benj & ez au Lea

Gugus

Da bini wieder ämol.

Au dä zweit Monät in Fernie isch voll edel gsi. Ich han ä hammer Ziit gha bis Shiers und au susch mega vill cooli Lüt känneglernt. Und so richtig s Läbe gnossä.

Äs mega cools Erläbniss isch s Snowmobilä gsi, ich han d Mary gfrögt ob sie öppär kännt wo äs Snowmobile hät." Ja, sie händ eis", isch iri Antwort gsi, und ich chäng go fahre wänn ich will. ;-) Dä Nick, da isch dä Typ wo sie ihres Snowmobil igstellt händ, hät mi dän uf äs paar tourä irgenwo in Wald inä mitgno, da hät voll Spass gmacht. 

Äs anders Highlight isch au s Ski miätä gsi, öppä z sächste wo all normalerwis Snowboarded, simmer am letschtä Samschtig go Ski miätä, voll glatt gsi, aber i fühl mi scho wohler uf eim Brätt.

Z Fernie hani au dä Jon känneglernt, er isch vo Schwedä und hät als Skilehrer z Fernie gschaffet. Irgendwiä hämmer dänn usegfundä dass mer beid gern nochli würded go umäreisä, und nachdem i min Van vomänä 6 plätzer in än 2 plätzer mit Bett und so umbouät han, und d Mary und dä Gordon äs hammer überraschigs-abschiids-Fäschtli organisiärt händ, ischs am Mäntig 6. April (aso geschter) losgange. 

Vo Fernie us, simmer über Radium uf Banff gfahre, det hämmer chönä bi äs paar SFC lüüt, inärä susch scho überfüllte Wohnig, uf em Sofa übernachte. ;-) Hüt morgä simmer witer uf Lake Louise  (da chömmer ebä mit oisnä Saison-Karte gratis fahre) u händ nacheme Tag uf dä Pischtä im Youth Hostel icheqt. 

So, u ez sött i langsam go pfusä, u schickä än riiisä grossä GRUÄSS id Schwiz.

Greetings from Canada

Hallo,

Ich habe echt zwei super Wochen hinter mir. Am 2. März konnte ich in mein Zimmer bei der Familie Shier einziehen, am 5. März begann es richtig zu schneien, und wir hatten hammer Powder Tage, und am 6. März habe ich mir ein Auto gekauft. War echt ein "Schnäppli" habe nur 900 $ can  bezahlt. Okey er hat auch schon über 300'000 km aber der hält die nächsten paar Monate schon noch durch. Ich bin jezt also stolzer Besitzer eines Chevrolet Astro Van. 

Leider ist Stewart, mit dem ich die letzten Wochen verbracht habe, gestern nach Neuseeland zurückgekehrt. 

Aber es hat ja noch jede menge andere Leute hier. Ich bin ziemlich oft mit den Leuten von SFC ( Snowboarders/skiers for Christ) zusammen. 

Hello

Hallo Zäme

han geschter chöne äs Zimmer go aluage, und so wiäs usgseht wird ich öpä innärä Wuchä züglä....äntlich widär chli meh Platz als im 6 Bett Zimmer i dä Lodge. I wür dän bi dä Mary wohnä, sie hät än 14 jährige Sohn und glaub no zwei älteri Töchtere. Diä sind aber am Studiärä und äs wohnt nur dä Sohn dähei. S Huus isch gad am Waldrand, voll edel.

Ich hoffä aber dasi bald äs Auto findä, well s isch chli witer wäg vo dä Bus Station und vom Hitching Point (det döf mer Auto Stöpplä).

Leider bini sit äm Sunntig nüm so fit wiä au scho, dä gröscht teil vo oisem zimmer isch chli chrank, i hoffä das gaht bald verbi....!!!

Bis jetz hani dä Legendary Powder zwar immer noni gfundä, däfür hani dä Legendary G-money känne glernt, er isch öpä 60i, im ghört dä coolscht Snowboard Shop z Fernie und am Samschtig bini am Konzert vo sinere Punkrock Band gsi. Das isch voll abgangä! Am Sunntig morgä staht er dän widr voll fit hinder äm Mischpult i dä Church. Dä isch ächt cool!

Momentan isches chli am Nass Schneie da, i hoffä das git ä guät i Grundlag für dä Powder wo nacher hoffentli äntlich chunnt....